通波仔 | 合法醫療器材資訊網

通波仔...通波仔（Angioplasty），學名球囊動脈成形術或者血管造形手術，係血管手術一種，多數專指心臟冠狀動脈嘅通波仔。心臟表層有冠狀動脈，佢會因爲阻塞、 ...

出自維基百科，自由嘅百科全書

通波仔（Angioplasty），學名球囊動脈成形術或者血管造形手術，係血管手術一種，多數專指心臟冠狀動脈嘅通波仔。

心臟表層有冠狀動脈，佢會因爲阻塞、收窄而令血流減低、停止，保持心臟跳動嘅心肌會因為冇血到而受損，所以要通波仔嚟加大返條血管。醫生會用心導管放個支架入去動脈，撐開塞咗嘅血管。個支架係放響心導管嘅前面，醫生將導管由四肢嘅大動脈，慢慢推去個心嘅血管度，支架推梗入去係唔會撐開，唔會撠住，到咗冠狀動脈收窄嘅地方，喺支架裏面一個波仔就會漲大，撐開個支架，整闊條血管，支架留喺嗰度，導管褪返出嚟。

香港年年有成五千人通波仔，做完之後有一半機會復發。復發嘅主要原因係支架有機會刺激血管內膜細胞增生，塞返住條血管。有啲藥搽咗上去就會令個支架唔會刺激到內膜增生，但又會引起血小板積聚，令血管塞返。但係後來又出咗隻藥，將復發率減到百分之一。